“Buka” e Ahmetajt shkon në gjyq, SPAK mbyll hetimet për ish-numrin dy të qeverisë

Dergohet për gjykim dosja “Buka” me të pandehur ish-numrin dy të qeverisë Arben Ahmetaj.

SPAK e ka vënë nën akuzë për shpërdorim detyre, për privatizimin e shoqërisë Buka sha.

Sipas prokurorit të posaçëm, Elvin Gokaj, shkelja i ka shkaktuar buxhetit të shtetit një dëm ekonomik rreth 7 miliardë lekë.

Organi i akuzës thotë se kur shërbente si ministër Financash, Ahmetaj lejoi privatizimin e trojeve të fushës mbi të cilat tashmë është ndërtuar një kompleks pallatesh.

Ish-zëvendëskryeministri u kallëzua në SPAK nga biznesmeni që kishte në pronësi pikërisht shoqërinë Buka sha.

Megjithatë, Ahmetaj është vënë në kërkim ndërkombëtar për korrupsion, pastrim parash dhe fshehje pasurie për inceneratorët.