Buxhet historik, 10 miliardë euro në 2027. Qeveria: Fokus pensionistët dhe mbështetja sociale

10 miliardë euro parashikohet buxheti për vitin 2027 nga rreth 9 miliardë që ishte për vitin 2026. Ministria e Financave ka shpërndarë disa prej shifrave kryesore duke e bërë atë buxhetin më të madh të viteve të fundit.

Më shumë fonde parashikohen për fëmijët , fermerët, shëndetësinë, pushtetin vendor dhe mbrojtjen.

Në buxhetin për vitin e ardhshëm parshikohet që të dyfishohet bonusi i pensionistëve duke nisur nga 1 janari i vitit të ardhshëm. Në dispozicion përë këtë kategori janë vendisur 20 miliardë lekë.

Në fushën e mbrojtjes, financimi për NATO-n në vitin 2027 parashikohet të arrijë në 2.35% të PBB-së, ose rreth 68.8 miliardë lekë.

Po ashtu parashikohet që vitin që vjen bonusi i bebeve do të paguhet çdo muaj për 5 vite. Më shumë mbështetje parashikohet edhe për fermerët, me 5.3 miliardë lekë kompensim për TVSH-në, ndërsa për barnat parashikohet 1 miliard lekë më shumë.Rritje të ndjeshme marrin edhe financat vendore, me 17% më shumë./abcnews.al