Cameron do luftojë për anëtarësimin e Turqisë
Kryeministri britanik David Cameron do të argumentojë fuqishëm për anëtarësimin e Turqisë në Bashkimin Evropian.
Ai ka deklaruar se është i inatosur me hapat e ngadaltë të negociatave. Në kuadër të vizitës së tij të parë në Ankara, Cameron pritet të thotë se do të luftojë që Turqia t’i bashkohet BE-së dhe të bëhet një fuqi e madhe evropiane.
Ai pritet të krahasojë qëndrimin negativ që kanë disa vende të BE ndaj Turqisë, me mënyrën se si shihej Mbretëria e Bashkuar para anëtarësimit.
Pasi të mbyllë vizitën në Turqi, Cameron do të udhëtojë drejt Indisë, ku do të shoqërohet nga një grup biznesmenësh të rëndësishëm.