Çelsi-Totenhem, Konte: Lukaku? Më i miri duhet të qëndrojë në

Pas Liverpool, Romelu Lukaku ka gjasa të mungojë edhe në ndeshjen ndaj Tottenham. Sulmuesi i Chelsea po kalon një kohë të vështirë në Stamford Bridge, deklaratat e tij kanë komprometuar marrëdhënien e tij me Tuchel dhe pjesën tjetër të ekipit. Kjo është arsyeja pse në Angli hipotezuan largimin e tij në janar. Trajneri i Tottenham, Antonio Conte ka deklaruar: “Ai është një lojtar i një ekipi tjetër. Do të ishte mungesë respekti të flisje për të dhe gjithashtu për Chelsea. Është më mirë të luash kundër një ekipi që ka të gjithë lojtarët dhe gjithashtu për ata që e shikojnë është më mirë që kampionët të jenë në fushë”.

Conte më pas përshkroi emocionet e kthimit në një stadium që e shihte atë si protagonist: “Për mua do të jetë një emocion i madh të kthehem në Stamford Bridge, hera e parë që kur u largova nga Chelsea. Së bashku kemi bërë një punë të rëndësishme dhe të mire. Më duhet gjithashtu të falënderoj klubin që më dha mundësinë të kem përvojën time të parë në Angli, por tani jam trajneri i Tottenham dhe dua t’i jap 100% këtij klubi për të përmirësuar ekipin. Kemi hapësirë ​​të mjaftueshme për përmirësim, për t’u bërë një ekip që ka pritshmëri të mëdha për fitore”.