Çfarë pritet? Rama mbledh sot Grupin Parlamentar dhe qeverinë, ja agjenda
Kryeministri dhe kreu i PS Edi Rama do të drejtojë sot mbledhjen e Grupit Parlamentar nga ku pritet të vendoset qëndrimi përfundimtar i mazhorancës për kërkesën e SPAK drejtuar Kuvendit për marrje autorizimit për heqjen e mandatit të Belinda Ballukut.
Mbledhja do të nisë në orën 11:00 dhe do të mbahet në Pallatin e Brigadave.
I pari që do të mbajë fjalën është Rama, ndërsa pas tij disa ministra dhe kreu i Grupit Parlamentar, Taulant Balla.
Rama dhe deputetët e tij do të dëgjojnë edhe relatimin e Ulsi Manjës, bazuar në atë çfarë u parashtrua prej prokurorëve të SPAK në Këshillin për Rregulloren, Mandatet dhe Imunitetin.
Agjenda:
11:00-Hapja e Mbledhjes
-Fjala e Kryeministrit, Kryetarit të PSSH Edi Rama
-Raportimi i Ministrave
Raporti i Ministrit të Financave Petrit Malaj
Raporti i Ministres së Shtetit dhe Kryenegociatores Majlinda Dhuka
Raporti i Ministres së Ekonomisë dhe Inovacionit Delina Ibrahimaj
Raporti i Ministres së Shtetit për Administratën Publike Adea Pirdeni
dhe Antikorrupsionin
Raporti i Ministres së Punëve të Brendshme Albana Koçiu
Raporti i Ministrit të Mbrojtjes Piro Vengu
Raporti i Ministres së Shëndetësisë dhe Mirëqenies Sociale Evis Sala
Raporti i Ministres së Arsimit Mirela Kumbaro
Raporti i Ministrit të Shtetit për Pushtetin Vendor Ervin Demo
Raporti i Ministrit të Drejtësisë Besfort Lamallari
Fjala e Kryetarit të Grupit Parlamentar të PSSH Taulant Balla.
Pas mbledhjes të Këshillit të Mandateve dhe Imunitetit Taulant Balla paralajmëroi se do të jetë mbledhja më e parë e grupit që do të vendosë për kolegen e tyre Belinda Balluku.
Vetë Rama dhe deputetët e tij do të dëgjojnë relatimin e Ulsi Manjës, bazuar në atë çfarë u parashtrua prej prokurorëve të SPAK në Këshillin për Rregulloren, Mandatet dhe Imunitetin.
Kujtojmë se më 5 mars do të jetë seanca plenare, ku do të votohet nga deputetët nëse do t’i hiqet apo jo imuniteti Ballukut.
Opozita është Pro heqjes së mandatit të Ballukut, ndërsa votën e mazhorancës do ta mësojmë gjatë mbledhjes së ditës së sotme.
Por me gjasë, kërkesa e SPAK me gjasë mund të refuzohet dhe sinjalin e parë për këtë e dha Taulant Balla pas mbledhjes së Këshillit të Imunitetit.