Chelsea, Essien ka kaluar dy here malarjen

Michael Essien eshte nje lojtar i jashtezakonshem ne fushe por jashte saj ai ka luftuar shume me shendetin, duke ia dale me sukses.

26 vjecari nga Gana ka kaluar dy here semundjen vdekjeprurese te malarjes. Ne moshen 7 vjecare ai eshte prekur dy here rresht nga kjo semundje, duke kaluar 10 muaj ne shtrat. Kete pjese te erret te jetes se tij e ka rrefyer e ema e futbollistit te Chelsea-s ne nje interviste per tabloidin “Sun”.

“Per fat te mire Essien u kurua ne kohe dhe gjate te dyja hereve qe u prek nga malarja, arriti ta kalonte me sukses. Nepermjet kesaj interviste, mamaja e lojtarit, Aba Djanode kerkon te sensibilizoje boten per kete semundje qe ne Gane merr jeten e nje femije cdo 30 sekonda.

“Essien eshte shembulli se me kurat e nevojshme kjo semundje mund te luftohet”, shprehet Aba, e cila bashke me prinder te tjere te kombetares se Ganes ka themeluar fondacionin “Kick Out Of Africa”. “Duam qe malarja te zhduket plotesisht. Kemi nevoje qe te bllokojme riprodhimin e mushkonjes”, shprehet mamaja e mesfushorit, duke shtuar se Premier League eshte nje kampionat mjaft popullor dhe shpreson qe ky mesazh te percillet ne menyren e duhur.