Çmimi i energjisë/ Balluku: Fasha 800kwh nuk do të aplikohet as për nëntorin

Fasha e energjisë prej 800 kilovat/orë nuk do të vendoset as për muajin nëntor.

Ministrja e infrastrukturës, Belinda Balluku, sqaroi se qytetarët dhe institucionet i janë përgjigjur pozitivisht thirrjes për të kursyer.

Krahasuar me tetorin e vitit të kaluar, këtë vit është harxhuar 7 për qind më pak energji. Ky zhvillim si dhe rënia e çmimit në bursat ndërkombëtare, kanë bërë që zbatimi i fashës të shtyhet.

Ministrja Balluku përmendi edhe programin e subvencionimit për panelet diellore, i cili ka shënuar një numër të madh aplikimesh në vetëm pak ditë.

Këto politika, sipas saj, shkojnë të gjitha në mbrojtje të familjeve si dhe biznesit të vogël.