Dako: Cilesi dhe cmime te arsyeshme

Duke e pyetur se cilat do te jene risite e plazhit te Durresit per kete sezon, Dako tha se, "do te jene tre elemente te cilat do te konkurrojne pergjate ketij sezoni te ri turistik vendet e tjera. Sherbim me cilesor, kushte me te pershtatshme, si dhe cmime te arsyeshme". Durresi tashme njihet si nje destinacion turistik qe ka burime konkurruese ne rajonin e Mesdheut dhe nje pozicionim te shkelqyer per te siguruar turizem nderkombetar. "Per kete po punohet intensivisht nga te gjitha institucionet, per te siguruar rendin, pastertine, dhe mbarevajtjen e qytetit edhe gjate kesaj vere, per t'u bere keshtu nje nga qytetet me atraktive per turizmin e detit dhe te diellit", deklaroi kryebashkiaku. Megjithese sezonet e kaluara cilesia dhe pastertia linin per te deshiruar, Dako shprehet se kete vit eshte bere gjithcka mire, me investimet dyfish te institucionit dhe sipermarresve.

Investimi per zgjerimin e aksit Durres-Kavaje

Investimi nga Ministria e Transporteve dhe Puneve Publike ka mundesuar zgjerimin e autostrades ne aksin Durres-Kavaje, me qellim lehtesimin e trafikut rrugor gjate periudhes kur ka fluks te larte levizjesh. Pritet qe punimet te perfundojne pas disa ditesh, pasi po ndertohet me ritme te shpejta dhe afrimi i sezonit do te sjelle me shume turiste nga viti i kaluar. Rruga po zgjerohet dhe parashikohet te behet me kater korsi, duke mundesuar levizjen e mjeteve ne te dy krahet me intensitet te larte dhe shmangur trafikun qe gjate sezonit te veres kthehet ne nje problem per pushuesit durrsake dhe te ardhurit nga jashte vendit.