Dënimi i Mlladiç, Blinken: SHBA do të jetë në anë të drejtësisë dhe llogaridhënies

Sekretari i Departamentit të Shtetit, Antony Blinken uron që vendimi i sotëm i Gjykatës së OKB-së në Hagë të shërbejë sadopak për të qetësuar shpirtrat e viktimave të Ratko Mlladiç në Bosnje.

“Le të shërbejë dënimi i sotëm i ish-komandantit të ushtrisë së serbëve të Bosnjes, Ratko Mlladiç, për genoci, krime lufte dhe krime kundër njerëzimit, për të sjellë pak paqe te viktimat dhe të dashurit e tyre”, shkruan kryediplomati amerikan në Tëitter.

Blinken garanton se edhe në të ardhmen SHBA do të luajë rol kryesorë dhe vazhdojë të flasë e veprojë për drejtësi dhe llogaridhënie.

Gjykata e OKB-së për të drejtat e njeriut konfirmoi sot dënimin me burg përjetë për “Kasapin e Bosnjes”, duke lënë në fuqi një vendim të mëhershëm të një tjetër gjykate më të ulët.