Deshton protesta kunder Bollanos ne Himare, i pengoi policia

Vlore- Deshton protesta kunder kryebashkiakut te Himares, Vasil Bollano. Policia e Vlores ka marre masa prej oreve te para te mengjesit te djeshem per te mos lejuar vargun e gjate te mjeteve te hynte ne qytet, me pretendimin se bllokohej qarkullimi dhe se nuk ishte dhene leje per proteste ne Himare, por ne Orikum. Qindra mjete u kthyen pas ne Llogara, ku dhe per disa minuta drejtuesit e grupimit lexuan nje deklarate ku shpreheshin kunder qendrimeve shoviniste te Bollanos, duke perjashtuar qytetaret himariote nga keto insinuata te qellimta te qarqeve greke. Vargu i gjate i makinave eshte ndaluar ne piken strategjike te vrojtimit numer 16-te, ne afersi te Llogarase. Policia kishte informuar "Kuvendin e Krahines se Dukatit" me nje deklarate per shtyp. "Do lejohet zhvillimi i protestes ne qytezen e Orikumit, por jo ne Himare, pasi itinerari i levizjes se makinave eshte shume i gjate dhe do te sillte bllokimin e rruges nacionale dhe veshtiresi te mbulimit te saj nga policia", thuhej ne deklaraten e Policise Vlore. Nese protesta do te mbahej ne Himare, atehere organizatoret u paralajmeruan me ndjekje penale per "organizim dhe pjesemarrjes ne grumbullime e manifestime te paligjshme". Organizatoret lexuan deklaraten e tyre, ku thuhej se, "protesta e organizuar nga Kuvendi i Krahines se Dukatit ka per qellim te kundershtoje tezen e qarqeve ekspansioniste greke, se Dukati, Radhima dhe 30 fshatra te Laberise kane ndergjegje kombetare greke. Ne nuk jemi kunder qytetareve himariote, po kunder Bollanos, pasi ai eshte misionar i qarqeve greke".

O. Hila