Digjet gjatë natës mjeti luksoz në Pogradec, policia dhe zjarrfikësit shmangin përhapjen e flakëve (FOTO)

Një automjet është djegur gjatë natës në qytetin e Pogradecit. Ngjarja ka ndodhur në lagjen nr.1, teksa sipas informacionit nga Shërbimi Zjarrfikës, njoftimi është bërë rreth orës 02:50 të mëngjesit.

Menjëherë në vendngjarje kanë mbërritur forcat zjarrfikëse, të cilat kanë bërë të mundur shuarjen e flakëve dhe izolimin e zonës për të shmangur përhapjen e zjarrit.

Gjithashtu, në vendngjarje ka shkuar edhe policia, e cila ka nisur veprimet për zbardhjen e rrethanave të ngjarjes dhe pritet që të njoftojë në një deklaratë zyrtare nëse është zjarr aksidental apo i qëllimshëm.