Dina konfirmon ndarjen nga Clint Eastwood

Clint Eastwood dhe Dina Ruiz janë ndarë pas 17 vitesh martesë. Ndarjen e ka konfirmuar vetë Ruiz, një ish-prezantuese televizive, për revistën US Magazine.

Eastwood ka qenë i martuar dy herë, por ka pasur një numër lidhjesh me femra të tjera. Aktori 83-vjeçar ka shtatë fëmijë, përfshirë 16-vjeçarin Morgan me Dina.

Dyshja u takuan në vitin 1993, kur ajo e intervistoi atë, dhe ata u martuan pas tre vitesh. Ndarja e tyre duket se është miqësore dhe nuk është vetëm një vendim i marrë së fundi.

Dyshja nuk ishin parë së bashku që nga viti 2011 dhe besohet se ndarja e tyre kishte filluar që në qershor të vitit të kaluar.