Dita e sakrificës ndaj Zotit; festime të mëdha në botë, në Mekë kryhet rituali i Haxhit

Edhe në botë besimtarët myslimanë kanë kremtuar festën e Kurban Bajramit.

Mijëra besimtarë kanë kryer faljen e namazit të bajramit në vende e shenjta të myslimanëve në Mekë dhe Medine. Ndryshe nga 2 vitet e fundit, këtë vit vendi i shenjte është mbushur plot me besimtarë.

Miliona pelegrinë mbërritën në qytetin e shenjtë të Mekës për të kryer ritin e Haxhit, pas një mungese 2-vjeçare për shkak të pandemisë së koronavirusit.

Edhe në Stamboll dhe në kryeqytete e tjera të botës, besimtarët u janë drejtuar xhamive për faljen e namazit.

Pas faljes besimtarët kanë prerë kurban në shenjë falenderimi ndaj Zotit dhe kanë shpërndarë mesazhe paqeje.

Kurban Bajrami është njëra nga 2 festat kryesore të myslimanëve dhe ajo shoqërohet me urime dhe dhurata, si dhe mesazhe paqeje në të gjithë boten.