Dollari amerikan vijon të forcojë pozitat ndaj lekut, euroja dobësohet
TIRANË, 31 korrik /ATSH/ Dollari amerikan vijon të fitojë pikë në kursin e këmbimit me lekun, ndërsa euroja dhe monedhat e tjera të huaja u dobësuan.
Sipas kursit të këmbimit të Bankës së Shqipërisë, të enjten një euro u këmbye me 97,48 lekë, duke humbur 0,06 pikë krahasuar me të mërkurën, ndërsa një dollar u këmbye me 95,21 lekë, duke fituar 0,78 pikë.
Paundi britanik u këmbye me 112,73 lekë, ose 0,14 lekë më pak se dje, ndërsa franga zvicerane zbriti me 0,18 lekë dhe këmbehet me 104,78 lekë.
Edhe këtë vit sezoni i mbarë turistik me fluks të shtuar të vizitorëve dhe emigrantëve ka sjellë rritje të ofertës valutore në treg, duke reflektuar nënçmim të monedhave kryesore të huaja, në raport me lekun.
BSH-ja vlerëson se situata në tregun valutor vijon e qetë, e karakterizuar nga luhatshmëri e ulët e kursit brenda intervaleve normal.
| Monedha kryesore | Lekë për njësi të monedhës së huaj | |||
|---|---|---|---|---|
| Dollari amerikan | USD | 85.21 | +0.78 | |
| Euroja | EUR | 97.47 | -0.06 | |
| Poundi Britanik | GBP | 112.73 | -0.14 | |
| Franga Zvicerane | CHF | 104.78 | -0.18 | |
| Jeni Japonez (100) | JPY | 56.86 | -0.18 | |
| Dollari Australian | AUD | 54.94 | +0.10 | |
| Dollari Kanadez | CAD | 61.54 | +0.27 | |
| Korona Suedeze | SEK | 8.73 | -0.02 | |
| Korona Norvegjeze | NOK | 8.26 | -0.02 | |
| Korona Daneze | DKK | 13.06 | -0.01 | |
| SDR | SDR | 116.00 | +0.97 | |
| Ari (OZ 1) | XAU | 281767.32 | +665.19 | |
| Argjendi (OZ 1) | XAG | 3139.11 | -75.31 | |
| Juani Kinez (onshore) | CNY | 11.84 | +0.08 | |
| Juani Kinez (offshore) | CNH | 11.82 | +0.07 | |
| Lira Turke | TRY | 2.10 | +0.02 | |
/r.e/