Dortmundi, leksion Bayern-it në “Allianz Arena”

Një tjetër humbje e rëndë për Bayern, që u dorëzua 2-0 në “Der Klassiker” në shtëpi ndaj Borussia Dortmund. Vendasit u përpoqën të imponojnë ritmin e tyre në fillim, por në minutën e 10-të bien menjëherë në kundërsulm:  Adeyemi finalizon aksionin me një goditje diagonale me të majtën, devijuar nga Ulreich. Pas disavantazhit, bavarezët u nisën menjëherë në kërkim të barazimit, duke shtyrë fort me aksin Kimmich-Sané. Kane mbetet shumë i izoluar në front, dhe pjesa e parë përfundon me rezultatin 1-0, me lojtarët e Terzicit në avantazh, pavarësisht presionit të fortë nga bavarezët.

Në fillim të pjesës së dytë, BVB iu afrua dyfishimit të epërsisë, me Ulreich (jo perfekt në golin e parë) që shpëtoi portën nga gjuajtja e Nmecha në minutën e 52-të. Dhjetë minuta më vonë është radha e Maatsenit, por sërish djemtë e Tuchel shpëtojnë nga diagonalja e mbrojtësit holandez. Ish-trajneri i Chelseat ndryshon efektivisht të gjithë vijën e pasme për të dhënë freski të re sulmuese, por mbrojtja verdhezi e ngre murin disa herë falë lojës së Mats Hummels.

Sulmi i Bayern-it nis në çerekun e fundit të një ore, por në minutën e 83-të Borussia mbylli përfundimisht ndeshjen: Sancho shpik në të majtë, Haller asiston për Ryerson, i cili firmos për 2-0 dhe tri pikët. Borussia Dortmund fiton dhe ngjitet në vendin e katërt në renditje, me 53 pikë dhe -3 pas Shtutgartit të vendit të tretë. Bayern mbetet në 60, -13 pas Leverkusenit.