Durrës- Policia prangos Viktor Lekin, ishte në kërkim ndërkombëtar për pjesëmarrje në grupe kriminale

Policia e Durrësit bëri të ditur të shtunën se ka arrestuar një anëtar të një grupi kriminal, i cili rezulton i dënuar me 8 vite e 4 muaj burg në Itali. Sipas Policisë së Durrësit, shtetasi Viktor Leki, 59 vjeç, është arrestuar nga autoritetet shtetërore, pas informacioneve të marra nga Interpol Roma.

“Ai ishte shpallur në kërkim ndërkombëtar, pasi Gjykata e Leçes, Itali, me vendimin e datës 06.03.2018, e ka dënuar me 8 vjet e 4 muaj burgim, për veprën penale “Pjesëmarrja në grup kriminal, me qëllim trafikimin e narkotikëve””, njofton Policia.

Arrestimi i Viktor Lekit u realizua si rezultat i bashkëpunimit mes Interpol Tiranë dhe Interpol Romës. Ndërkohe kanë nisur edhe procedurat për ekstradimin e tij në Itali po vijojnë.

/rtsh.al/