Dyshime se do të sulmonte bazën ajrore RAF Fairford, lirohet me kusht edhe personi i 6-të i arrestuar në Britani –

Policia britanike njoftoi të enjten se britaniku 22-vjeçar, i cili u arrestua me dyshimin për përgatitjen e akteve terroriste si pjesë e një hetimi mbi një komplot për të sulmuar bazën ajrore RAF Fairford, është liruar me kusht.

Uashingtoni tha të hënën se një kërcënim i lidhur me Iranin kishte nxitur tërheqjen e bombarduesve amerikanë nga baza, e cila u përdor nga forcat amerikane në bombardimin e Iranit.

Policia britanike ka liruar me kusht gjashtë të arrestuarit në rastin që përfshin planet për të sulmuar bazën britanike.

Ndërsa shumë nga detajet e komplotit mbeten të paqarta, zyrtarët amerikanë i thanë Reuters se bombarduesit amerikanë u ngritën në ajër për shkak të shqetësimeve në lidhje me një sulm me dron iranian ndaj objektit ushtarak.

Pesë nga të arrestuarit u ndaluan pranë bazës ajrore më 27 shtator. Të gjithë ishin shtetas britanikë. Një shtetas i gjashtë britaniko-iranian, i cili u arrestua javën e kaluar, është liruar gjithashtu me kusht. Policia kundër terrorizmit tha se i arrestuari i fundit ishte liruar me kushte të rrepta dhe se hetimi po vazhdonte.