“E doja famën, por nuk e njihja atë”, Klark Morina rrëfen si u njoh me dëshirën për moderimin

Klark Morina ka rrëfyer në emisionin “Një Shqipëri“ me Mentor Nazarko se si i nisi dëshira për moderimin.

Ai u shpreh se iu kushtonte një vëmendje të shtuar dhe të detajuar moderatorëve kur i shikonte ata përmes televizionit për të “vjedhur” nga mënyra e tyre . Klark thotë se e donte famën, por nuk e dinte domethënien dhe detyrimin që e pasonte.

Sipas tij nuk është e lehtë të jesh i famshëm, sidomos në Shqipëri.

“Unë e kam nisur që i vogël në të vërtetë. Kur isha në shtëpi filloja shikoja moderatorë, një ndër të cilët keni qenë dhe ju, z. Nazarko. Dhe mendoja unë po rri vetëm në shtëpi ndërkohë këta janë live, me shumë njerëz, në një program në një studio, larg Tiranës, me mikrofona, aty i shikon gjithë Tirana, gjithë Shqipëria, diaspora. E doja famën, por nuk e dija se çfarë do të thotë famë. Të jesh i famshëm nuk është shumë e lehtë, sidomos të në Shqipëri“, u shpreh ai.

/rtsh.al/