EMRI-VIDEO/ Arrestohet në Spanjë shqiptari i shpallur në kërkim ndërkombëtar, pritet ekstradimi në Shqipëri
Është arrestuar në Spanjë për llogari të drejtësisë shqiptare, Juxhin Drazhi. Bëhet me dije se si rezultat i bashkëpunimit shumë të ngushtë të Interpol Tiranës me Interpol Madridin dhe policinë spanjolle, në kuadër të operacionit policor ndërkombëtar të koduar “The Wanted”, u krye arrestimi në Spanjë, me qëllim ekstradimin drejt vendit tonë, i shtetasit shqiptar J. D., 34 vjeç.
Juxhin Drazhi, i konsideruar si anëtar i grupit kriminal të Elvis Doçit, i njohur edhe si Visi i Pojës është kapur nga Garda Civile e Malagas në një vilë luksoze në Almuñécar (Granada).
Mediat spanjolle raportojnë se hetimi filloi pasi u bë e ditur se anëtarët e bandës ndërkombëtare po merrnin masa të shumta sigurie në një shtëpi të izoluar në Almuñécar, gjë që ngjalli dyshimet e oficerëve.
#OperacionesGC | Detenido en Almuñecar #Granada un narcotraficante buscado por @INTERPOL_HQ.
▶️ Tenía en vigor una orden de búsqueda y detención por las autoridades judiciales de #Albania.
▶️ Se encontraba escondido en una vivienda de lujo situada en un paraje aislado y ubicada… pic.twitter.com/fSPUSGtqEO— Guardia Civil (@guardiacivil) August 8, 2025
Njoftimi i policisë:
Vijon operacioni policor ndërkombëtar i koduar “The Wanted”, për kapjen dhe ekstradimin e shtetasve të shpallur në kërkim ndërkombëtar.
Shkëmbimi në kohë i informacionit mes Interpol Tiranës dhe Interpol Madridit vë në pranga një shtetas të kërkuar për veprimtari kriminale në fushën e narkotikëve.
Si rezultat i bashkëpunimit shumë të ngushtë të Interpol Tiranës me Interpol Madridin dhe policinë spanjolle, në kuadër të operacionit policor ndërkombëtar të koduar “The Wanted”, u krye arrestimi në Spanjë, me qëllim ekstradimin drejt vendit tonë, i shtetasit shqiptar J. D., 34 vjeç.
Ky shtetas ishte i shpallur në kërkim ndërkombëtar, pasi Gjykata e Posaçme e Shkallës së Parë për Korrupsionin dhe Krimin e Organizuar, Tiranë, në prill 2025, i ka caktuar masën e sigurisë “Arrest në burg”, për veprat penale “Trafikim i lëndëve narkotike”, kryer në formën e veçantë të bashkëpunimit, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.
Interpol Tirana, në bashkëpunim me Interpol Madrid/Spanjë, vijon bashkëpunimin për finalizimin e ekstradimit të këtij shtetasi drejt vendit tonë.