EURO2024, Shqipëria përballë Spanjës luan për kualifikimin historik
DYSELDORF, 24 qershor /ATSH-Gjergji Mima/ Shqipëria dhe Spanja ndeshen sonte në Dyseldorf në sfidën e fundit të grupit B për EURO2024.
Spanja vjen në këtë takim si një prej skuadrave favorite për të fituar EURO2024 pasi rezervoi vendin e saj në raundin e 16-të si fituese e Grupit B.
Fitoret mbresëlënëse ndaj Kroacisë dhe Italisë i dhanë trajnerit Luis de la Fuentes mundësinë për të lënë pushim disa lojtarë të veçantë për këtë ndeshje.
Kjo nuk e bën më të lehtë detyrën për Shqipërinë – cilësia e Spanjës është e madhe.
Megjithatë, skuadra e Sylvinhos ka dhënë arsye të konsiderueshme për optimizëm për një rezultat pozitiv në Düsseldorf. Me mesfushorin e Interit, Kristjan Asllani që tërhoqi vëmendjen, ata patën një start ëndrrash kundër Italisë përpara se të rrëshqisnin në një disfatë të ngushtë. Më pas arritën një barazim në minutat fundit me Kroacinë për të mbajtur gjallë shpresat.
Formacionet e mundshme
Shqipëria: Strakosha; Balliu, Ismajli, Gjimshiti, Mitaj; Ramadani, Abrashi, Asllani, Bajrami, Laci; Broja
Pezulluar: Daku
Mungon ndeshjen e radhës nëse ndëshkohet: Broja, Gjasula, Hoxha, Hysaj
Spanja: Raya; Navas, Vivian, Laporte, Grimaldo; Merino, Zubimendi, Olmo; Torres, Joselu, Oyarzabal
Pezulluar: Rodri
Mungon ndeshjen tjetër nëse ndëshkohet: Carvajal, Le Normand
Një vend në fazën eliminatore është ende një mundësi për Shqipërinë – një arritje për skuadrën që shënoi golin më të shpejtë në historinë e EURO kundër Italisë dhe më pas arriti një barazim heroik 2-2 kundër Kroacisë.
Spanja tashmë është e sigurt për vendin e parë në grup dhe ka të ngjarë të ndryshojë skuadrën e saj, por Shqipëria e di se nuk do të shohë shumë topin. Megjithatë, ata do të synojnë të jenë të vendosur në mbrojtje.
Ka shumë arsye pse Spanja do të ndryshojë 11-tën e saj. Në fund të një sezoni të gjatë për klube, dhe me Grupin B tashmë të fituar, De la Fuente do të kërkojë të ndajë barrën dhe të testojë disa nga alternativat e tij të tjera. Rodri i pezulluar është i vetmi mungesë e sigurt.
Sylvinho, trajneri i Shqipërisë para ndeshjes tha se, “kemi parë zhvillim të jashtëzakonshëm te lojtarët. Ka 3 milionë shqiptarë në Shqipëri dhe më shumë se 9 apo 10 milionë në mbarë botën. Ka qenë një brez që nuk e ka parë kurrë ekipin e tyre në një kampionat europian. Ne të gjithë po bëjmë një punë shumë të mirë për të prodhuar performancën tonë më të mirë”.
Ndërsa, Luis de la Fuente, trajneri i Spanjës tha para ndeshjes se, “Shqipëria ka tifozë fantastikë dhe tashmë ka krijuar një surprizë këtu. Ne e dimë se do të jetë vërtet e vështirë nesër. Ne do të bëjmë ndryshimet që mendojmë se janë të drejta. Ne kemi besim të plotë në 26 lojtarët tanë këtu Nuk është se nuk bëj gabime të gjithë kanë mundësi të luajnë këtu në një nivel të lartë, kështu që unë jam shumë i qetë për këtë”.
/r.e/