EURO2024, caktohen gjyqtarët e ndeshjes Shqipëri-Itali

TIRANË, 13 qershor /ATSH-ANSA/ Gjermani Felix Zwayer do të jetë arbitri i ndeshjes të së shtunës mes Shqipërisë dhe Italisë që do të luhet në Dortmund, në ndeshjen hapëse të Grupit B në Kampionatin Evropian 2024.

Bashkatdhetarët e tij, Stefan Lupp dhe Marco Achmüller do të jenë ndihmësit anësorë.

Zyrtari i katërt do të jetë gjyqtari Daniel Siebert.

Asistent i parë i VAR-it është zgjedhur Bastian Dankert.

I vetmi jo gjerman është holandezi Rob Dieperink, asisenti i dytë në dhomën VAR.

Shkurtin e kaluar gjyqtari Zwayer drejtoi ndeshjen Napoli-Barcelona (1-1), ndeshjen e parë të raundit të 16-të të Ligës së Kampionëve.

Kombëtarja jonë do të luajë ndeshjen e parë të grupit më 15 qershor kundër Italisë, në orën 21:00, në Dortmund.

“BVB Stadium Dortmund” ka një kapacitet prej 81,365 vende për tifozët dhe është stadiumi më i madh në Gjermani.