“Edi Rama, burrë i mirë”, surprizojnë fëmijët në “7pa5”: Nëse do isha kryeministre, do ndërtoja më shumë pallate

Mabel dhe Emily, dy vogëlushe të ëmbla ishin të ftuara në studion e emisionit “7pa5” në Vizion Plus.

Vajzat u pyetën nga moderatorët Alma Çelaj dhe Syrjan Rahova mbi ëndrrat e tyre, pasionet dhe dëshirat, por gjithashtu nuk munguan as pyetjet pikante.

Emily tha se ka dëgjuar për politikën nga gjyshja, por nuk i pëlqen, ndërsa Mabel tha se kryeministrin e ka parë në televizor dhe mendon se Edi Rama është një burrë i mirë.

Sakaq, të pyetura se çfarë do të bënin nëse ato do të ishin kryeministre në të ardhmen, Emily tha se do të ndërtonte pallate.

Pjesë nga biseda

Emily: Unë dëgjoj vetëm nga nëna politikë, por nuk më pëlqen. Nëna jeton me një shok.

Kë përmend më shumë, Berishën apo Ramën?

Emily: Asnjërin!

E di kush është Sali Berisha?

Mabel: Po! Po e di si fytyrë .

Edi Rama e di kush është?

Mabel: Unë e shoh te televizori Edi Ramën.

Si të duket, burrë i mirë?

Mabel: Po!

A keni ushqim të preferuar?

Emily: Mua më pëlqejnë më shumë makaronat.

Mabel: Mua makaronat me pana.

Çfarë nuk ju pëlqen në Tiranë?

Emily: Mua nuk më pëlqejnë kazanët me plehra, sepse ka dhe plehra në tokë.

Mabel: Mami e ka bezdi trafikun kur e çon makinën. Mami e ka makinën automat. Është shumë herët t’i jap unë, kur të bëhem 18 vjeç do t’i jap.

Nëse bëheni kryeministre të vendit, çfarë do bënit

Emily: Unë do doja të ndryshoja…pra që të ishte më mirë, më bukur, të kishte më shumë pallate.

Nëse do kishit një superfuqi çfarë do donit të ishte?

Emily: Do doja të ndërtoja shumë gjëra të reja.

Mabel: Unë doja të isha zanë, që të kisha krahë dhe të fluturoja. /vizionplus.tv