Ekonomia kineze rritet me 5.5%
Pas heqjes së masave kufizuese ndaj pandemisë së Covid-19, të cilat zgjatën për tre vite, më shumë se në çdo shtet tjetër, ekonomia e Kinës duket se po rimëkëmbet me shpejtësi.
Ekonomia në superfuqinë e Azisë së Largët shënoi një rritje prej 5.5% krahasuar me një vit më parë, dhe 1 pikë përqindjeje më shumë sesa në tremujorin e parë 2023-shit.
Ekportet poashtu shënuan një rritje prej 2.1 % krahasuar me gjysmën e parë të vitit të kaluar, ndërsa importet shënuan një rënie prej 0.1% duke çuar kështu në një suficit tregtar, e kaluar edhe pritshmëritë e Fondit Monetar Ndërkombëtar dhe Bankës Botërore, të cilët kishin parashikuar një rritje më të ngadalshme.
Ndryshe nga një vit më parë kur peshën kryesore në rritjen ekonomike e mbante industria, këtë vit më shumë se 60% e rritjes ekonomike ka ardhur kryesisht nga sektori i shërbimeve.
Paga nominale shënoi një rrijte prej 6.5% krahasuar me të njëjtën periudhë të një viti më parë, ndërsa rritje shënoi me 0.7% edhe shkalla e konsumit.
Gazetar Artur Mata
/ rtsh /