Eksperti i ekonomisë: Është rritur me 4.4% çmimi i shportës

Ergis Sefa, eksperti i ekonomisë tha në studion e Quo Vadis se çmimi i shportës së ushqimeve është rritur me 4.4%.

Sefa deklaroi se shteti, në një ekonomi tregu, nuk cakton çmimet.

Ai shtoi se në programet e partive, problem është mungesa e burimeve, nga do t’i gjejnë fondet forcat politike.

Pjesë nga biseda:

Qiraxhi: Flasim për trefishim të pagës, por kemi katërfishim të çmimeve në treg, kjo është problem. Kur filluan të rriteshin çmimet, filloi edhe nafta të ngrihej. U deshën tre ditë protestë, që të ulej çmimi.

Sefa: Në cilin vend e përcakton shteti çmimin e shportës?

Qiraxhi: Shteti ndërhyn në shportën e ushqimeve.

Sefa: Shteti, në një ekonomi tregu, nuk cakton gjë. Ne patëm një indeksim vjetor të pensioneve me 4%, që të qëndronim në përputhje me çmimet e shportës. Ishte një masë e drejtë, por duhej të ishte pak më e madhe. Problemi që kemi sot është rritja 4.4% e çmimit të shportës.

Në një ekonomi të lirë, në vende të ndryshme, qytete të ndryshme, çmimi nuk mund të jetë i njëjtë. Shteti nuk mund të bëjë përcaktim të çmimit. Problemi që kam unë me programet është mungesa e burimeve, nga do t’i gjejnë fondet?

Qiraxhi: Nuk mund të quhet premtim kur nuk ka burimin e parave.

/vizionplus.tv