Ekstradohet në Itali Juljan Kollçakun, i kërkuar për organizatë kriminale dhe trafik droge

Interpol Tirana ka ekstraduar drejt Italisë shtetasin Juljan Kollçaku, i shpallur në kërkim ndërkombëtar nga autoritetet italiane.

Sipas njoftimit të Policisë së Shtetit, Kollçaku ishte i kërkuar nga drejtësia italiane pasi Gjykata e Firences i ka caktuar masën e sigurisë “Arrest në burg” për veprat penale “Organizata kriminale” dhe “Trafikimi i narkotikëve”.

Ekstradimi u krye pas përfundimit të procedurave ligjore dhe bashkëpunimit mes autoriteteve shqiptare dhe atyre italiane për dorëzimin e personit të kërkuar.

Juljan Kollçaku do t’u dorëzohet autoriteteve italiane, ku do të përballet me procedurat gjyqësore për akuzat e ngritura ndaj tij.

/rtsh.al/