Elbasani ndal Teutën në “Niko Dovana”

Nuk ka fitues në sfidën mes Teutës dhe Elbasanit, e vlefshme për javën e 8-të të “Abissnet Superiore”, që erdhi për shikuesit në ekranin e RTSH Sport.

Në “Niko Dovana” gjithçka nisi e qetë , për tu ndezur më pas me Arifin nga njëra anë dhe Nikaj nga ana tjetër që dhanë sinjale rreziku në portat respektive.

Durrsakët kishin një mundësi të mirë në fundin e pjesës së parë, me një goditje dënimi me dy pasime brenda zonës, por nuk arritën të bëjnë më të mirën e tyre.

Edhe në pjesën e dytë mundësitë nuk munguan, por rezultati mbeti i mbërthyer në shifrat 0-0 deri në sinjalizimin e fundit të gjyqtarit.

Teuta, që ndalet pas 6 fitoreve radhazi, ndodhet në vend të parë me 20 pikë. Elbasani në vend të 7-të me 8 pikë.