Elvana mohon operacionin estetik

Elvana Gjata ka mohuar zërat se ka kryer operacione estetike për të përmirësuar format trupore, sidomos të gjoksit.

Këngëtarja ka bërë të ditur se fotografia e publikuar, ku gjoja shfaqej Elvana me forma të ndryshuara trupore, nuk është e saj, por e një vajze që ngjanë shumë me të.

“Të dashur blogjeshkrues të famshëm apo jo, por sidomos ju që jeni të famshëm, besoj të gjithë e dinë që 1 prill nuk është çdo ditë e vitit. Përpara se të shkruani lajmin e radhës, bëni minimumin etik të një qytetari, duke pyetur të interesuarin (në këtë rast unë) për vërtetësinë e asaj që po shkruani. Për më tepër kur ju i keni të gjitha kontaktet, nuk do të ishte aspak e vështirë për të marrë përgjigjen. Po ju them qartë, pastër, bukur, që në atë foto nuk është Elvana Gjata, por meqë duhet ta postoj gjithsesi foton, komplimente kësaj vajzës. E bukur është”,  ka njoftuar këngëtarja nëpërmjet rrjeteve sociale. /Indeksonline/