Euroja në rënie për të dytën ditë radhazi
TIRANË, 11 qershor /ATSH/ Në tregun e këmbimit valutor vendas, për të dytën ditë me radhë, monedha europiane shënoi rënie, ndërsa dollari amerikan forcoi lehtë pozitat në këmbim me lekun.
Sipas kursit zyrtar të Bankës së Shqipërisë, euroja këmbehet me 100.27 lekë, ose 0.02 lekë më pak se një ditë më parë dhe monedha e gjelbër amerikane këmbehet me 93.28 lekë, ose 0.01 lekë më shumë.
Në pozita të kundërta janë këmbyer sot edhe monedha britanike dhe franga zvicerane. Respektivisht paundi britanik është forcuar me 0.26 lekë dhe këmbehet me 118.75 lekë dhe franga zvicerane zbriti me 0.02 lekë në kuotën 104.01 lekë.
Aktorët e tregut vlerësojnë se, fluksi i lartë i turistëve që nënkupton më shumë valutë në tregun vendas dhe zhvlerësimi i monedhës europiane si rrjedhojë e rezultatit të zgjedhjeve kanë ndikuar në dobësimin e euros.
Ndërkohë, gjatë muajve të verës, kalendari i ndërhyrjeve të Bankës Qendrore në tregun valutor vendas parashikon një shtim të tyre në muajt qershor dhe korrik.
Në muajin qershor janë planifikuar tre ndërhyrje për blerje eurosh në tregun valutor, ndërsa në muajin korrik po tre ndërhyrje, me vlera 5-10 milionë euro.
| Monedha kryesore | Lekë për njësi të monedhës së huaj | |||
|---|---|---|---|---|
| Dollar amerikan | USD | 93.28 | +0.01 | |
| Euro | EUR | 100.27 | -0.02 | |
| Poundi Britanik | GBP | 118.75 | +0.26 | |
| Franga Zvicerane | CHF | 104.01 | -0.02 | |
| Jeni Japonez (100) | JPY | 59.34 | -0.14 | |
| Dollari Australian | AUD | 61.52 | +0.06 | |
| Dollari Kanadez | CAD | 67.74 | +0.03 | |
| Korona Suedeze | SEK | 8.89 | +0.06 | |
| Korona Norvegjeze | NOK | 8.73 | +0.04 | |
| Korona Daneze | DKK | 13.44 | 0.00 | |
| SDR | SDR | 124.63 | +0.01 | |
| Ari (OZ 1) | XAU | 214843.43 | +676.86 | |
| Argjendi (OZ 1) | XAG | 2720.21 | -47.96 | |
| Juani Kinez (onshore) | CNY | 12.86 | -0.01 | |
| Juani Kinez (offshore) | CNH | 12.83 | -0.01 | |
| Lira Turke | TRY | 2.90 | +0.03 | |
/r.e/