F1, Grosjean: Mendova se do vdisja, mu kujtua Niki Lauda

“Mendova për Niki Lauda, ​pilotin që e doja më shumë në historinë e Formula 1 dhe thashë me vete se nuk mund të ishte gara ime e fundit. Unë u përpoqa përsëri, u ndjeva gati në paqe me veten time dhe mendova se isha i vdekur. Ishte një ndjenjë e çuditshme. Ndonjëherë jemi afër vdekjes, këtë herë ishte para meje. Thirra atë Benoit, nuk e di pse, por unë duhej t’i vija një emër. Atëherë nuk e di nëse ai moment më ndihmoi të përmendem. Kam menduar për fëmijët e mi, nuk mund të vdisja pa i parë përsëri”. Kështu është shprehur Romain Grosjean, në një intervistë për Sky Uk, duke treguar për emocionet e tij menjëherë pas aksidentit të tmerrshëm që e pa atë protagonist në garën e fundit të Formula 1 në Bahrein kur Haas i tij, pasi goditi barrierat, përfundoi në flakër. “Nëse mendoj përsëri në atë moment, kanë kaluar 28 sekonda, por dukej shumë më tepër, kur makina ndaloi, unë doja të hidhesha, por godita diçka me kokën time. Mendova se isha përmbys, atëherë pashë me kujdes dhe pashë gjithçka portokalli”.

“Mund të ketë qenë perëndimi i diellit ose drita, por më pas e kuptova se ishte zjarr. Thashë disa fjalë të këqija dhe i thashë vetes që nuk mund të përfundoja kështu – vazhdoi piloti francez – Për fat të mirë unë isha në gjendje të dilja jashtë, dorezat ishin te zeza, ndjeja dhimbje, por une u hodha ne barriere dhe ndjeva kostumin tim duke terhequr. Kjo ishte nje ndjenje e mahnitshme dhe e dija qe isha gjalle. Ne u ulem ne makinen mjekesore, ata me dhane qetesues, por une doja te ecja sepse doja që të gjithë të më shihnin duke ecur në këmbë për të kuptuar se isha mire”.