FOKUS – Brazili bllokon platformën X mes grindjeve me miliarderin Elon Musk

BRAZILIA, 31 gusht /ATSH-DPA/ – Një gjykatës në Brazil ka urdhëruar bllokimin e platformës online X të Elon Musk në mes të një mosmarrëveshjeje të gjatë me miliarderin.

Gjykata e Lartë e Brazilit tha në një deklaratë se gjyqtari Alexandre të premten urdhëroi “pezullimin e menjëhershëm dhe të plotë të aktivitetit të X, dikur Twitter, në të gjithë vendin derisa të respektohen vendimet gjyqësore të Gjykatës dhe taksat e gjobave nuk do të paguhen”.

Gjykatësi urdhëroi autoritetin e telekomunikacionit të Brazilit të zbatonte urdhrin brenda 24 orëve.

De Moraes akuzon X se ”ka marrë masa të pamjaftueshme kundër përhapjes së gjuhës së urrejtjes dhe lajmeve të rreme.”

Musk nga ana e tij e akuzon gjyqtarin për censurë dhe e etiketon atë si “diktator i keq”.

Gjykatësi i kërkoi X që të bllokonte llogaritë e aktivistëve të krahut të djathtë që përhapin teori konspirative dhe informacione të rreme.

Musk e cilësoi kërkesën si të paligjshme, platforma online nuk e përmbushi kërkesën dhe as nuk e pagoi gjobën e vendosur.

Në mesin e gushtit, Musk mbylli zyrën braziliane të kompanisë teknologjike sepse kishte frikë se përfaqësuesi i kompanisë në vend mund të arrestohej. /os/