FOKUS – Duterte drejt gjykatës së Hagës pas arrestimit për krime kundër njerëzimit
MANILA, 11 mars /ATSH-DPA/ – Ish-presidenti i Filipineve, Rodrigo Duterte është dërguar në Hagë pasi Gjykata Ndërkombëtare Penale (ICC) lëshoi një urdhër arresti kundër tij për krime kundër njerëzimit, në mes të luftës kundër drogës gjatë kohës së tij në pushtet.
”Duterte, i cili mbush 80 vjeç më 28 mars, u arrestua pas mbërritjes nga një udhëtim në Hong Kong”, theksoi në një deklaratë Zyra e Komunikimit Presidenciale.
Ai u largua jashtë vendit me një aeroplan 12 orë më vonë.
”Aeroplani me ish-presidentin Rodrigo Roa Duterte doli nga hapësira ajrore e Filipineve”, tha presidenti Ferdinand Marcos Jr.
”Aeroplani është rrugës për në Hagë, Holandë, ndërkohë që ish-presidenti do të përballet me akuzat për krime kundër njerëzimit në lidhje me luftën e tij të përgjakshme kundër drogës”, shtoi ai./ /os/