FOTO LAJM: Ambientalistët maqedonas në protestë

Planet e qeverisë maqedonase për të rihapur një fabrikë plumbi dhe zinku në qytetin e Veleshit, kanë tërbuar banorët dhe ambientalistët, që janë ngritur në protestë e thonë se do radikalizojnë qëndrimet  e tyre. Është në lojë shëndeti ynë dhe i gjeneratave që vijnë, thonë protestuesit. Balkan Insight thotë se banorët kanë deklaruar se nëse kompania nuk heq dorë nga planet e saj, ata do e shpallin non grata dhe nuk do e lejojnë të hyjë në qytet. Protestave i është bashkuar edhe kryebashkiaku i Veleshit. Një studim i Organizatës Botërore të Shëndetësisë theksoi se qyteti me rreth 46 mijë banorë ishte ndër më të ndoturit në botë.