FOTO/ Përfshihet nga flakët një banesë në Sarandë, zjarrfikësja mbërrin në vendngjarje. Fqinjët shpëtojnë të moshuarën

Një banesë në katin e parë të një pallati është përfshirë nga flakët pasditen e kësaj të diele.

Ndërkohë që në vendngjarje kanë mbërritur forcat zjarrfikëse dhe policia, mësohet se në banesë jetonte një grua e moshuar e cila është nxjerrë në kohë nga shtëpia nga fqinjët e saj.

Fatmirësisht, e moshuara nuk është lënduar nga flakët apo tymi i dendur, ndërsa banesa ka pësuar dëmtime të shumta në orendi dhe paisje./a.m.