Felipe Melo sulmohet dhe grabitet në rrugë

Një ngjarje e rëndë për Felipe Melo. Mesfushori 39-vjeçar i Fluminense (ish i Fiorentinës, Juves dhe Interit) pësoi një grabitje pas humbjes 4-0 ndaj Corinthians në Maracanã. Në Avenida Brasil, rruga e hyrjes dhe e daljes së Rio de Zhaneiros (ndërsa udhëtonte për në Paraty, një komunë tjetër në këtë shtet), lojtari – së bashku me gruan, fëmijët dhe një mik – u bllokua nga hajdutë të armatosur, të cilëve ia vodhën një Mercedes Gle 53 dhe disa sende personale.

Për fat të mirë, protagonistët e fatkeqësisë – të cilët më pas u kthyen në shtëpinë e Felipe Melos në Rio – janë mirë. Një çift erdhi për t’i ndihmuar ata pranë vendit të sulmit. Edhe prillin e kaluar lojtari kishte pësuar një grabitje në një nga shtëpitë e tij braziliane: me atë rast hajdutët kishin marrë para dhe sende të çmuara.