Fluks lëvizjesh në Kapshticë dhe Qafë Thanë, policia kufitare punon me kapacitet të plotë

Gjatë 24 orëve të fundit, në pikat e kalimit kufitar të Kapshticës dhe Qafë Thanës është regjistruar një fluks i lartë lëvizjesh në të dyja anët e kufirit.

Policia kufitare po punon me kapacitet të plotë për të menaxhuar situatën dhe për të shmangur radhët e gjata të automjeteve dhe udhëtarëve.

Në Kapshticë, gjatë ditës së djeshme kanë hyrë 6 242 shtetas, ndërsa kanë dalë 3 557 të tjerë.

Ndërkohë, në Qafë Thanë janë regjistruar 5 248 hyrje dhe 5 073 dalje shtetasish.

Autoritetet kufitare u bëjnë apel udhëtarëve që të planifikojnë udhëtimet e tyre, sidomos në oraret e pikut, për të shmangur vonesat dhe për të lehtësuar qarkullimin në këto pika hyrëse e dalëse të rëndësishme të vendit në këtë periudhë turistike ku dhe lëvizjet janë më të shumta në dy pikat kryesore doganore të juglindjes së vendit.