Formula 1/ Fetel bën diktatorin, super në Sepang

Dy gara dhe dy fitore për Sebastian Fetel. Gjermani i Red Bullit ka dominuar edhe në Çmimin e Madh të Malajzisë, garës së dytë të kampionatit të Formula 1. Në Sepang Fetel është nisur nga “pole-position” dhe askush nuk e ka arritur dot më. Në podium me të janë ngjitur respektivisht edhe McLareni i Xhenson Batonit dhe  Renaulti i Nik Heidfeldit. Është paraqitur dobët Fernando Alonso, i cili ka mundur të pozicionohet vetëm në vendin e gjashtë, pasi është aksidentuar me Ljuis Hamiltonin, ndërsa ky i fundit ishte në sulm për vendin e tretë.