Franca mobilizon ushtrinë e saj në Lindjen e Mesme pas sulmit raketor të Iranit ndaj Izraelit

Franca tha sot se po dërgonte mjete shtesë ushtarake në Lindjen e Mesme për të kundërshtuar kërcënimin iranian dhe njoftoi një takim të Këshillit të Sigurimit të OKB-së, pas përshkallëzimit të luftës në Lindjen e Mesme.

Teherani njoftoi se sulmi i tij me raketa ndaj Izraelit kishte përfunduar nëse nuk kishte provokime të mëtejshme, me Izraelin dhe SHBA-të që u zotuan të hakmerren për sulmin e tij ndërsa frika për një luftë më të gjerë në rajon u rrit.

“E përkushtuar ndaj sigurisë së Izraelit, Franca sot mobilizoi ushtrinë e saj në Lindjen e Mesme për të kundërshtuar kërcënimin iranian”, tha presidenca franceze në një deklaratë të lëshuar gjatë natës pas një takimi urgjent të kabinetit francez për të diskutuar shkallëzimin rajonal.

“Kreu i shtetit përsëriti gjithashtu kërkesën e Francës që Hezbollahu të ndalojë  veprimet e tij terroriste kundër Izraelit dhe popullsisë së tij”, shtoi ai.

Në këtë njoftim, presidenca franceze nuk ka dhënë më shumë informacion mbi llojin e mjeteve shtesë ushtarake të dërguara në rajon dhe Ministria franceze e Mbrojtjes nuk ka qenë e disponueshme për të komentuar deri më tani.

Ministri i Jashtëm francez Jean-Noel Barro pati një bisedë telefonike me homologun e tij amerikan Anthony Blinken për të koordinuar përpjekjet diplomatike, tha në të njëjtën kohë Ministria e Jashtme franceze./vizionplus.tv