Fushata për dhurim vullnetar të gjakut është shtrirë në të gjithë vendin, Koçiu: Njësia lëvizëse e dhurimit këtë javë në Durrës

Ministrja e Shëndetësisë dhe Mbrojtjes Sociale, Albana Koçiu u shpreh sot se fushata ndërgjegjësuese e MSHMS-së për dhurim vullnetar të gjakut në ndihmë të fëmijëve talasemikë dhe të gjithë atyre që kanë nevojë jetike për gjak është shtrirë në të gjithë vendin.

Sipas ministres, njësia lëvizëse e dhurimit të gjakut ka vijuar me praninë e saj në të gjithë vendin, duke e zgjeruar kështu këtë nismë jetëshpëtuese.

“këtë javë kjo njësi do të jetë në bashkinë e Durrësit dhe në institucione, të cilat i janë bashkuar me zemër kësaj kauze”.-shkruan ministrja e Shëndetësisë dhe Mbrojtjes Sociale, Albana Koçiu.

Duke i bëri apel qytetarëve të dhurojnë gjak, Koçiu shkruan më tej se, “Një dhurim i vogël, një jetë e shpëtuar. Le të bëhemi drita e shpresës për ata që kanë më shumë nevojë”.

https://www.facebook.com/61550901522643/videos/4150582761880129

/rtsh.al/