Fuste ilaçe kontrabandë nga Greqia/ Arrestohet 39-vjeçari, i shiste në farmacinë që administronte

KORÇË- Në Korçë është arrestuar një 39-vjeçar, i cili kishte kontrabanduar nga Greqia, 1637 kuti me ilaçe, për t’i shitur në farmacinë që administronte si biznes familjar.

Procedohet penalisht bashkëshortja e të arrestuarit, farmaciste në këtë biznes.

Procedohet penalisht dhe babai i saj, pasi në banesë iu gjetën kutitë me ilaçe dhe 83 steka me paketa me cigare, gjithashtu pa pullë fiskale. Autoritetet kanë sekuestruar ilaçet, pa pullë fiskale.

Nga hetimet e deritanishme dyshohet se  39-vjeçari kontrabandonte ilaçe nga Greqia, për t’i shitur në biznesin e familjes, farmacinë ku punonte bashkëshortja e tij./abcnews.al