Futboll – Botërori 2026, Kosova mund 2-0 Suedinë
PRISHTINË, 8 shtator/ATSH/Kombëtarja e Kosovës ka arritur një fitore të madhe sonte në stadiumin “Fadil Vokrri” duke mposhtur Suedinë me rezultat 2-0.
Dardanët zhvilluan një ndeshje të shkëlqyer dhe falë golave të Elvis Rexhbecajt dhe Vedat Muriqit siguruan fitoren e parë në kuadër të grupit B në kualifikimet për Kampionatin Botëror 2026.
Me këtë sukses, Kosova regjistron tri pikët e para në grup dhe rikthehet fuqishëm në garë pas humbjes në ndeshjen e parë. Dardanët do të rikthehen në fushë në muajin nëntor, kur do të zhvillojnë duelet e radhës në këtë cikël kualifikues./ KosovaPress
/Kosovapress/