Futet në lumë për tu larë, mbytet 19-vjeçari, polumbarët në kërkim të trupit

Rritja e temperaturave regjistron dhe viktimën e parë të mbytur në lumë. Një i ri, i komunitetit rom është mbytur në lumë teksa ishte futur për tu larë.

Ngjarja e rëndë është regjistruar rreth orës 14:30 të pasdites së sotme lumin Drino pranë fshatit Arshilengo në Gjirokastër, ku shtetasi Embrah Rama, 19 vjeç është futur në lumë për tu larë, por nuk ka dalë më prej andej.

Ende nuk është e qartë nëse 19-vjecari ishte i shoqëruar, apo ishte i vetëm në lumë, ndërsa mendohet se shkak i mbytjes është bërë thellësia dhe uji i rrëmbyeshëm i lumit, cfarë ka bërë të mos gjendet ende trupi i pajetë i viktimës.

Në vendngjarje kanë mbërritur polumbarët e RENEA-s, të cilët po vijojnë kërkimet për gjetjen e të riut.