GAZA – Të paktën 100 të vdekur nga sulmi izraelit në shkollën e qytetit

GAZA, 10 gusht /ATSH-DPA/ – Të paktën 100 njerëz u vranë dhe dhjetëra të tjerë u plagosën në një sulm ajror izraelit në një shkollë në qytetin e Gazës.

Zyra e mediave e qeverisë së kontrolluar nga Hamasi në Gaza tha se ushtria izraelite sulmoi shkollën Al-Tabeen, e cila po përdorej si strehë për personat e zhvendosur, gjatë lutjeve islame të mëngjesit.

Dhjetra viktima u dogjën prej sulmit. Transmetuesi me bazë në Katar, Al Jazeera gjithashtu raportoi më shumë se 100 të vdekur.

Forcat e Mbrojtjes së Izraelit (IDF) thanë më herët se forcat ajrore të vendit “goditën me saktësi terroristët e Hamasit që vepronin brenda një qendre komandimi dhe kontrolli të Hamasit të ngulitur në shkollën Al-Taba’een dhe që ndodhet ngjitur me një xhami në Daraj Tuffah, e cila shërben si një strehim për banorët e qytetit të Gazës”.

IDF tha se qendra “shërbeu si një strehë për terroristët dhe komandantët e Hamasit”. /os/