GJERMANI – Aeroportet e Berlinit dhe Hamburgut jashtë funksionit, pas ndërprerjes së internetit

BERLIN, 19 korrik /ATSH-DPA/ – Asnjë avion nuk po ngrihet apo ulet në aeroportin e Berlinit, ndërsa disa nisje u prekën nga ndërprerja e internetit edhe në Hamburg.

Dështime të ngjashme u raportuan në të gjithë botën, duke prekur linjat ajrore dhe aeroportet, mediat, bankat dhe kompanitë e telekomunikacionit në vende si Spanja, Australi, Indi dhe Britani.

Në Shtetet e Bashkuara, Administrata Federale e Aviacionit thuhet se ka ndaluar fluturimet nga linjat kryesore ajrore ”United”, ”American” dhe ”Delta”.

Linjat ajrore buxhetore evropiane ”Ryanair” tha se i janë ndërprerë gjithashtu operacionet e saj.

Një zëdhënëse e Aeroportit të Brandenburgut të Berlinit tha se “ka vonesa në trajtim për shkak të një defekti teknik” dhe se operacionet e fluturimit do të pezullohen deri në orën 10:00 (08:00 GMT).

Transmetuesi lokal RBB raportoi se kishte një dështim të serverit, por zëdhënësja nuk e konfirmoi këtë.

Në aeroportin e Hamburgut, katër linja ajrore po vuanin nga dështimet teknologjike.

Një zëdhënëse tha se linjat ajrore ishin ”Eurowings”, ”Ryanair”, ”Vueling” dhe ”Turkish Airlines”.

Ajo tha se linjat ajrore po lëshonin bileta manualisht./ a.jor.