GJERMANI – Bundestagu miraton ndihmën ushtarake me vlerë 3 miliardë euro për Ukrainën
BERLIN, 21 mars /ATSH-DPA/- Komiteti i buxhetit të Bundestagut të Gjermanisë miratoi sot 3 miliardë euro (3,2 miliardë dollarë) si ndihmë ushtarake shtesë për Ukrainën në vitin 2025 dhe 8,3 miliardë euro të tjera për vitet 2026-2029.
Fondet, të cilat tani mund të lirohen, synojnë të forcojnë mbrojtjen gjithnjë e më të vështirë të Ukrainës kundër forcave ruse.
Ndërsa Uashingtoni ka reduktuar mbështetjen për Kievin, pasiguria ndaj ndihmës së qëndrueshme perëndimore po rritet.
Aleatët evropianë kanë rritur shpenzimet për mbrojtjen për të mbushur boshllëkun, duke paralajmëruar se ndërtimi ushtarak i Rusisë tani shtrihet përtej luftës në Ukrainë duke kërcënuar gjithnjë e më shumë territorin e NATO-s. //a.i/