GREQI – Neonazisti i ”Agimit të artë”, Michaloliakos rikthehet në burg

ATHINË, 3 qershor /ATSH-ANA/ – Themeluesi i organizatës kriminale neonaziste ”Agimi i artë”, Nikos Michaloliakos, do të rikthehet në burg pasi Këshilli i Gjyqtarëve të Apelit në Lamia vendosi sot që t’i hiqej lirimi me kusht.

Gjyqtarët e apelit kanë miratuar rekomandimin e prokurorit dhe kanë rrëzuar vendimin e Këshillit të Gjyqtarëve të Gjykatës së Kundërvajtjes për lirimin me kusht nga burgu.

Michaloliakos u dënua me 13 vite burg si kreu i ”Agimit të artë”, i gjykuar si një organizatë kriminale me maskën e një partie politike.

Apeli zbuloi se Michaloliakos ishte i papenduar dhe vazhdoi të mbështeste me zjarr praktikat ilegale neonaziste.

U zbulua se artikujt e Michaloliakos në median elektronike vazhdojnë të lavdërojnë aktivitetet e stilit nazist dhe se për këtë arsye ai është i prirur për të rishkelur ligjin.

Pas vendimit të këshillit, paraburgimi i Michaloliakos do të vazhdojë normalisht deri në vuajtjen e dënimit në përputhje me ligjin./  /os/