Gara per kreun e PD: Berisha udhezon strukturat
Kryetari ne detyre i Partise Demokratike, Sali Berisha, ka postuar nje mesazh ne faqen e tij ne Facebook per te gjithe drejtuesit e Partise Demokratike, nga kryetare seksioni deri ne anetare te kryesise se PD-se dhe per te gjithe anetaret qe punojne ose mbajne funksione drejtuese ne te gjitha nivelet e qeverisjes qendrore ose vendore.
Gara per kryetarin e PD-se nisi sot me shpalljen e kandidatures se pare, shkruan Berisha. Sipas tij, ajo eshte e hapur per cdo anetar dhe anetare te PD-se qe deshiron te konkurroje per lider te Partise Demokratike.
Diten e enjte, kryesia e PD-se do te mblidhet per vleresimin dhe shprehjen e mbeshtetjes se saj per kandidatin apo kandidaturat qe mendon se meritojne te mbeshteten prej saj zyrtarisht. Por, sipas Berishes, nuk do pengohet akush qe te jete pjese e gares edhe pse nuk merr mbeshtetjen e kryesise. Ai sqaron se nuk ka bere asnje rekomandim per ndonje person te vecante per te qene pasardhes i tij ne PD.
Une dhashe doreheqjen nga detyra e kryetarit te PD-se dhe nuk bera asnje rekomandim per person te vecante per zevendesimin tim. Po keshtu, me kryesine e PD-se vendosem qe ne zgjedhjen e kryetarit te ri, pushteti te kaloje teresisht tek anetaret e PD-se dhe vota e tyre duke mos bere asnje rekomandim per asnje person te vecante, por dhe duke mos penguar asnjeri te marre pjese ne kete gare, thekson Berisha.
Ai shton me tej se ne respekt te pushtetit te votes se cdo anetari te PD-se, kerkon qe askush te mos perdore pushtetin partiak, publik, administrativ qe ka ne mbeshtetje apo lobim te nje kandidati te vecante: Asnje drejtues ne asnje nivel partiak apo qeverises te mos prononcohet publikisht apo jo publikisht per shkak te postit qe ka ne mbeshtetje te nje kandidati te caktuar. Ne kete proces cdonjeri prej nesh ka vetem nje vote. Por, cdo drejtues ne cdo nivel partiak apo ne qeverisje ka te drejte te loboje publikisht per kandidatin e preferuar ose te bashkohet me stafin e tij vetem pasi ai ose ajo te kete dhene doreheqjen nga funksioni partiak apo publik qeverises qe mban, perfundon udhezimi i Berishes per strukturat e PD-se.
Nderkohe, mesohet se kryetari i Bashkise se Tiranes, Lulzim Basha, pritet ta shpalle kandidaturen e tij per garen e kreut te Partise Demokratike.
Burimi: Top Channel