Gerrard: Jemi nën presion

Kapiteni i Anglisë, Steven Gerrard, beson se bashkëlojtarët e tij do të rimëkëmben pas dështimit në Botërorin e sivjetëm dhe jo të bien nën presion.

"Lojtarët e kuptojnë, ashtu si edhe trajneri, që tani jemi nën presion. Kjo është normale pas dështimit në Botëror. Vërtet do të na ndihmojë nëse ne do të arrijmë që të krijojmë paraqitje pozitive nesër dhe nëse marrim pikët maskimale. Më pas do t'i hyjmë me besim ndeshjes ndaj Zvicrës të martën".

"Kjo është një sfidë. është shumë e rëndësishme që t'u tregojmë të gjithë tifozëve se ne duam ta fitojmë grupin. Një rezultat pozitiv natyrisht se do të na ndihmojë", deklaroi Gerrard.