Gjirokaster sekuestrohen 300 kg marijuane

Policia e qarkut të Gjirokastrës ka sekuestruar ditën e sotme një sasi lënde narkotike prej 300 kilogramë, e llojit marijuanë.

Lajmin e bëjnë të ditur burime policore lokale, sipas të cilave sasia e drogës u bllokua në një furgon, drejtuesi i të cilit u arrestua.

Sipas burimeve, marijuana vinte nga fshati i Lazaratit dhe kishte si destinacion tregun e Greqisë.

Sipas burimeve, në momentin e ndalimit shoferi ka tentuar të cajë postobllokun e makinave të policisë, por pa ia arritur qëllimit.

Burimet shtojnë më tej se lidhur me këtë trafik droge janë shpallur në kërkim disa persona të tjerë.