Gjyqi ndaj Trump/ S’ka datë për seancën e radhës, ish-presidenti po manovron përmes procedurave

Gjyqtari i Gjykatës së Lartë të Qarkut Fulton, Scott McAfee bërë të ditur sot se për Trump dhe për 16 të pandehurit nuk është caktuar një datë për seancën e radhës gjyqësore. 

Dy bashkë-pandehurit e mbetur, Kenneth Chesebro dhe Sidney Poëell, kërkuan gjykime të shpejta dhe seanca ndaj tyre është planifikuar në tetor.

Urdhri i së enjtes shihet si një fitore për Trump dhe bashkëpandehurit, të cilët nuk donin të shkonin në gjyq këtë tetor.

Orari i përcaktuar nga gjyqtari vetëm sa përforcoi disa nga hapat në procesin paragjyqësor, duke krijuar mundësinë që vetë gjykimi të mos ndodhë deri në vitin 2024, apo edhe më vonë.

Kalendari ligjor i Trump gjatë gjysmës së parë të vitit të ardhshëm është tashmë i bllokuar me plane për gjykime në çështjet e tjera penale me të cilat përballet, dhe ai po manovron me procedura me kandidimin e tij presidencial në vitin 2024.

“Përpjekja e gabuar, e motivuar politikisht e DA e Qarkut Fulton, Fani Ëillis, për të mohuar procesin e rregullt ligjor të Presidentit Trump, duke argumentuar se nuk duhet të jepen pushime nga puna, është shtypur përfundimisht nga gjykata,” tha një zëdhënës i Trump. “Nxitimi i padrejtë i Ëillis për të gjykuar për të kënaqur bazën e saj radikale politike thjesht ka dështuar.”

Ndërsa McAfee nuk caktoi një datë gjyqi për Trump dhe 16 prej bashkëpandehurve të tij, afati kohor që ai përcakton në një urdhër gjykate të enjten nënkupton se ata nuk do të dalin në gjyq të paktën para dhjetorit.

Megjithatë, nuk ka ende një afat kohor të caktuar për gjykimin për 17 të pandehurit dhe as nuk ka një afat kohor për zgjidhjen e mosmarrëveshjeve se cilat prova mund t’i paraqiten jurisë, transmenton CNN. 

McAfee urdhëroi që llojet e tjera të mocioneve paraprake të paraqiteshin deri më 1 dhjetor, por ai nuk ka caktuar një seancë dëgjimore për këto kërkesa.

/rtsh.al/