Goditet një tjetër rast mashtrimi përmes call center në Shkodër, arrestohen 4 persona, 61 do hetohen në gjendje të lirë

Krimi Ekonomik dhe Kibernerik në Drejtorinë e Përgjithshme të Policisë së Shtetit, goditi një tjetër rast të mashtrimit përmes skemave me call center, kësaj here në Shkodër.

Burime bëjnë me dije se për disa javë veprimtaria e paligjshme është hetuar, ndërsa gjatë operacionit janë arrestuar 4 persona dhe 61 të tjerë, kryesisht punonjës të call center po hetohen në gjendje të lirë.

Skema e mashtrimit dyshohet të jetë e ngjashme me rastet e tjera, telefonata në drejtim të qytetarëve europian që u premtohen fitime kolosale.

Po ashtu gjatë operacionit policia ka sekuestruar 152 pajisje elektronike, nëpërmjet të cilave dyshohet se kryhej mashtrimi, si dhe materiale të tjera me interes për hetimin.